DBH 1eko ikasleek azaroaren 26an eta 27an Andoaingo Liburutegira bisita egin dute, ikastetxeko irakurketa proiektuaren barruan. Gure helburua ikasleen artean irakurketa sustatzea da, eta horretarako, zer hoberik Udal Liburutegiko eta Euskadiko Liburutegi Sareko funts guztien artean aukeratzen uztea baino.
Horregatik, interesatzen zaizkien liburuak Interneten bilatzen, erreserbatzen edo maileguaren epea luzatzen ere ikasi dute. Batzuek Liburutegiko karneta egin dute eta guztiak gutxienez bi libururekin itzuli dira ikastetxera.
Ikastetxeko beste ekimen bat ikasgelako liburutegia eta eguneroko 20 minutuko irakurketa izango da. Horretarako, ia egunero 20 minutu izango dituzte, hainbat irakasgaik eskainita, klasean irakurri ahal izateko, dela beraiek ekarritako liburu batekin, dela klasean jarriko ditugun funtsekin. Klaseko lehen irakurketa-eguna abenduaren 5ean izango da, eta ebaluazio osoan jarraituko dugu.
Gainera, hizkuntza-ikasgaietan, ikasleek, beste proiektu batzuen artean, irakasleekin batera klaseko irakurketa egiten dute. Familiak animatzen ditugu irakurketaren gaia beren seme-alabekin partekatzera, irakurtzeko ohitura sustatzeko.
