Lanbide Heziketako titulua zuzenean lortzeko Proba Libreak – 2025
Aurrematrikulazio epea martxoaren 11tik 18ra izango da, biak barne.
Orokorrean, probak orain arte bezala burutuko dira, baina RD659/2023 Errege Dekretua ezartzen den bitartean, iragankortasun-egoera horretan, aldaketa batzuk egongo dira: batzuk 2025eko deialdi honetan eta beste batzuk hurrengo deialdietan.
2025eko probak honako irizpide hauen arabera egingo dira:
- Iragankortasun-egoera hori dela eta, probak burutuko dira uztailaren 18ko 659/2023 Errege Dekretua aplikatuz ezartzen ari diren aldaketen aurreko planeko curriculumen arabera.
- Ikasle bakoitzak bakarrik ziklo batean aurrematrikulatu ahalko du.
- Ezin da baliozkotzerik eskatu.
- Aurrematrikulazio baldintza berria: matrikulatu diren zikloko berariazko moduluak gaindituta eduki beharko dituzte, gutxienez 500 ordukoak:
-
- Salbuespena: (PEAC – Procedimiento de Acreditación de Competencias Profesionales) Dispositibotik datozenek ez dute baldintza hori bete beharko.
-
- Ikasgunearen bidez lortzen den Gaitasunen Dosierra aurkeztu behar dute, eta, horretarako, probak egin arte izango dute epea.
- Iraupen txikiagoko zikloen kasuan, honela jardungo da:
-
- 500 ordu eskatuko dira 2.000 orduko iraupena duten zikloetarako.
- 350 ordu eskatuko dira 1.400 orduko iraupena duten zikloetarako.
-
- Gehienez, 4 modulutan aurrematrikulatu ahalko da, 800 ordutik gorakoak ez badira. Moduluen eta orduen zenbaketan ez dira sartzen Lantokiko Prestakuntzako eta Proiektuko moduluak.
- Dokumentazioa:
-
- Gainditutako 500 orduak egiaztatzeko, sisteman ez dauden ikasleek Ikasketa-Espedientea edo dokumentazio baliokidea aurkeztu beharko dute.
- Erraldotze-ziurtagiria: EAEko ikasleek, baimentzen badute, Ebazpenean agertzen diren salbuespenak izan ezik, ez dute aurkeztu beharko.
-
- LP: Salbuespena eska daiteke.
- PROIEKTUA:
-
- Proiektuaren moduluari dagokionez, egoera hori salbuespenezkoa denez, modulu guztiak gainditu ondoren eta erabateko salbuespena Lantokiko Prestakuntzako moduluari badagokio edo aldez aurretik egin bada, modulu horretan matrikulatu ahal izango da, gainditzeko eta ondoren titulua lortzeko.
- Kasu horietarako, deialdi honetan matrikulatu den ikastetxean informazio-saio bat egingo da ikastetxean, eta bertan, prestatu beharreko kasuari, lanari edo simulazio-ariketari buruzko beharrezko informazioa emango da.
- Ikastetxe bakoitzak erakusketa- eta defentsa-data edo -datak ezarriko ditu.
-
EGUTEGIA
